ശരീരഭാരം കുറയ്ക്കൽ എന്നത് പല ഘടകങ്ങളാൽ സ്വാധീനിക്കപ്പെടുന്ന കാര്യമാണ്. അതിൽ ഉപാപചയ നിരക്ക് ഏറ്റവും പ്രധാനപ്പെട്ട ഒന്നാണ്. നമുക്ക് പ്രായമാകുമ്പോൾ, നമ്മുടെ മെറ്റബോളിസം മന്ദഗതിയിലാകും. ഇത് ശരീരഭാരം വർദ്ധിപ്പിക്കുന്നതിനും ഊർജ്ജ നില കുറയുന്നതിനും ഇടയാക്കുന്നു.
എന്നാൽ 30-കളിലും 40-കളിലും പ്രവേശിക്കുമ്പോൾ മെറ്റബോളിസം പുനരുജ്ജീവിപ്പിക്കാൻ ഫലപ്രദവും ലളിതവുമായ ധാരാളം മാർഗങ്ങളുണ്ട്. ജീവിതശൈലിയിൽ ക്രമീകരണങ്ങൾ വരുത്തി ദിനചര്യയിൽ ഈ എളുപ്പത്തിലുള്ള കാര്യങ്ങൾക്കൂടി ഉൾപ്പെടുത്തുന്നതിലൂടെ ആരോഗ്യകരമായ ഭാരം നിലനിർത്താൻ കഴിയുന്നതാണ്.
ശരീര ബലം കൂട്ടുന്നതിനാവശ്യമായ പരിശീലനത്തിന് മുൻഗണന നൽകുക എന്നത് പ്രധാനപ്പെട്ട കാര്യമാണ്. പ്രായമാകുമ്പോൾ, പേശികളുടെ അളവ് സ്വാഭാവികമായും കുറയുന്നു. ഇത് മെറ്റബോളിസത്തെ മന്ദഗതിയിലാക്കും. പതിവ് ശക്തി പരിശീലന വ്യായാമങ്ങൾ ഉൾപ്പെടുത്തുന്നത് ഇതിനെ ചെറുക്കാൻ സഹായിക്കുന്നതാണ്. പുഷ്-അപ്പുകൾ എന്നിവ പോലുള്ള ഭാരം വഹിക്കുന്ന വ്യായാമങ്ങൾ ചെയ്യുന്നതും ഗുണകരമാണ്.
ആരോഗ്യകരമായ മെറ്റബോളിസം നിലനിർത്തുന്നതിന് ആവശ്യത്തിന് വെള്ളം കുടിക്കുന്നത് അത്യന്താപേക്ഷിതമാണ്. നിർജ്ജലീകരണം സംഭവിച്ചാൽ ദഹനം, കലോറി കത്തിക്കൽ എന്നിവയുൾപ്പെടെയുള്ള ശാരീരിക പ്രവർത്തനങ്ങളെ മന്ദീഭവിപ്പിക്കും. മെറ്റബോളിസം സുഗമമായി പ്രവർത്തിക്കുന്നതിന് പ്രതിദിനം കുറഞ്ഞത് 8 ഗ്ലാസ് വെള്ളമെങ്കിലും കുടിച്ച് ജലാംശം നിലനിർത്തേണ്ടതാണ്.
കാർബോഹൈഡ്രേറ്റ്, കൊഴുപ്പ് എന്നിവയുമായി താരതമ്യപ്പെടുത്തുമ്പോൾ പ്രോട്ടീന് ഉയർന്ന തെർമിക് പ്രഭാവം ഉണ്ട്, അതായത് ശരീരം ദഹിപ്പിക്കാൻ കൂടുതൽ ഊർജ്ജം ചെലവഴിക്കുന്നു. മെറ്റബോളിസത്തിന് സ്വാഭാവിക ഉത്തേജനം നൽകുന്നതിന് ഭക്ഷണത്തിൽ ചിക്കൻ, മത്സ്യം, പയർവർഗ്ഗങ്ങൾ തുടങ്ങിയ പ്രോട്ടീൻ സ്രോതസ്സുകൾ ഉൾപ്പെടുത്തുക.
ഭക്ഷണം ഒഴിവാക്കുന്നത് ശരീരത്തിന് ഊർജം സംരക്ഷിക്കേണ്ടതിന്‍റെ ആവശ്യകതയെ ബാധിക്കുന്നു. ഇത് മെറ്റബോളിസത്തെ മന്ദഗതിയിലാക്കുന്നു. മെറ്റബോളിസം ദിവസം മുഴുവനും സജീവമായി നിലനിർത്തുന്നതിന് ക്രമമായതും സമീകൃതവുമായ ഭക്ഷണത്തിലൂടെയാണ്.ഇതിനായി ആരോഗ്യകരമായ ലഘുഭക്ഷണങ്ങൾ ഉൾപ്പെടുത്തുക.
ആരോഗ്യകരമായ മെറ്റബോളിസത്തിന് കൃത്യമായ ഉറക്കം അത്യാവശ്യമാണ്. ഉറക്കക്കുറവ് ഹോർമോൺ ബാലൻസ് തടസ്സപ്പെടുത്തുകയും ശരീരഭാരം വർദ്ധിപ്പിക്കുകയും ചെയ്യും. നിങ്ങളുടെ ശരീരത്തിലെ ഉപാപചയ പ്രക്രിയകളെ പിന്തുണയ്ക്കുന്നതിനായി 7-9 മണിക്കൂർ ഉറങ്ങേണ്ടത് അത്യാവശ്യമാണ്.
വർക്ക്ഔട്ടുകൾ ചെയ്യുന്നതിലൂടെ കലോറി കത്തിക്കുക മാത്രമല്ല, മണിക്കൂറുകളോളം ഉപാപചയ നിരക്ക് വർദ്ധിപ്പിക്കുകയും ചെയ്യുന്നു.
കുരുമുളക്, മഞ്ഞൾ തുടങ്ങിയ ചില സുഗന്ധവ്യഞ്ജനങ്ങളിൽ മെറ്റബോളിസത്തെ താൽക്കാലികമായി വർദ്ധിപ്പിക്കാൻ കഴിയുന്ന സംയുക്തങ്ങൾ അടങ്ങിയിട്ടുണ്ട്. ഭക്ഷണത്തിൽ ഇവ ചേർക്കുന്നത് എനർജി ബേണിൽ സഹായകമാകും.
ചെറിയ രീതിയിൽ നടക്കുക അല്ലെങ്കിൽ ഇടവേളകളിൽ പെട്ടെന്നുള്ള വ്യായാമങ്ങൾ ചെയ്യുക തുടങ്ങിയവ ദിനചര്യയിൽ ഉൾപ്പെടുത്തുക.
മെറ്റബോളിസം വർദ്ധിപ്പിക്കുമ്പോൾ സ്ഥിരത പ്രധാനമാണ്. ഈ രീതികൾ ദിനചര്യയിൽ ഉൾപ്പെടുത്തുകയും ശാശ്വതമായ ഫലങ്ങൾ കാണുന്നത് വരെ കാലക്രമേണ അവയിൽ ഉറച്ചു നിൽക്കുകയും ചെയ്യണം.
പ്രായമാകുമ്പോൾ മെറ്റബോളിസം സ്വാഭാവികമായും മന്ദഗതിയിലാകുമെന്നത് ശരിയാണെങ്കിലും, അത് സജീവവും ഊർജ്ജസ്വലവുമായി നിലനിർത്താൻ ധാരാളം തന്ത്രങ്ങളുണ്ട്. വ്യായാമം, ശരിയായ ജലാംശം, സമതുലിതമായ പോഷകാഹാരം, കൃത്യമായ ഉറക്കം, എന്നിവയിൽ ശ്രദ്ധ കേന്ദ്രീകരിക്കുന്നതിലൂടെ ഊർജ്ജം കത്തുന്നത് ഫലപ്രദമായി വർദ്ധിപ്പിക്കാനും, 30-40 വയസ്സ് വരെ ആരോഗ്യകരമായ ഭാരം നിലനിർത്താനും കഴിയും.
